Dosto, aj me jis ghatna ka varnan karne jaa raha hu ye ghatna mere dost ke chacha ji ke sath ghati thi.Kanpuriya ki jubani ab ye kahani.Is ghatna se mene ek baat jarur jaan li hai, wo yahi ke agar hum bhoot pret ya atma ke samne akar unse baat karne ke bawajood bhi nahi darte to wo atma humse dur hi rehtna pasand karti hai.
![]() |
Photo by Emre Kuzu from Pexels |
Railway Station Se Thodi Dur Pehle
Dosto,
aj me jis ghatna ka varnan karne jaa raha hu ye ghatna mere dost ke chacha ji ke sath ghati
thi.Kanpuriya
ki jubani ab ye kahani.Is ghatna se mene ek baat jarur jaan li hai, wo
yahi ke agar hum bhoot pret ya atma ke
samne akar unse baat karne ke bawajood
bhi nahi darte to wo atma humse dur hi
rehtna pasand karti hai.
Insaan ka dar
hi hai jo bhoot or aatmaao ko akarshit
karta hai. Ye ghatna tab ki hai jab main 8th
class me padha karta tha.Us waqt mere chacha ji ki naukri ek factory me lagi jo ki Kanpur ke
InterState Bus Terminal ke paas kahin
padti hai, me wahan kabhi gaya nahi hu
isliye exactly nahi bata sakta. Wo
factory ek pan masala banane wali factory thi.
Chacha ji wahan dopeher 3 baje se raat 11 baje tak kaam karte the. Humare ghar (cantt) se bahut jyada duri nahi
hai isliye chacha ji cycle se hi aana
jana karte the.
Dosto railway station ke
paas Ghanta Ghar se Jhakarkati Bus
Terminal jane ke liye ek pul bana hua hai.
Us pul ke niche se railway track jate hai. Kyuki wahan se railway station bahut paas hai
isliye ye track bhi bahut saare hai. In railway tracks ke dono taraf kafi bastiyan
bani huyi. Ap logo mese jo bhi koi agar
kabhi kanpur gaya hoga to jarur dekha
hoga ke railway station aane se pehle
track ke bagal kafi basti basi huyi hai.
In bastiyon ke bich se kayi raste bane huye
hain or yahan rehne wale log bina kisi rok tok ke railway tracks paar karte hain. Jiski wajah
se kayi baar log train ki chapet me ane
ki wajah se apni jaan gava dete hain.
Basti walo ko to thoda bahut andaza bhi
hai ki railway track ko red signal me par
karne ka magar aksar anjaan log jo pul ke thode lambe rasto or jaam se bachne ke liye in
bastiyo ke raste shortcut lete hain or
in tracks par apni jaan se hath dho lete
hain. Ek baat or batana chahunga, shayad
ap mese kayi logo ne is baat ka anubhav
kiya hoga ki jis jagah par ek do
durghatnaye ho jaati hai wahan fir aksar
durghatna hoti rehti hain.
Iski wajah hai wahan marne waalo ki bhatakti atma, wo aksar or
logo ko bhi apni taraf khichti hain
jiski wajah se wo log bhi durghatna ke
shikar ho jate hain or wahan pehle se maujood
aatma or bhi shaktishali ho jaati hai. Jitni
jyada maut hongi wo jagah utni hi khatanak ho jaygi.
Kayi baar apne suna hoga ke train me chadte waqt kisi ka paanv fisal gaya or wo train ke niche
aa gaya. Koi track paar karte huye gir
pada or train us par se guzar gayi ya
fir kayi log laparwahi se train ke niche
aa gaye.
Dosto esi ghatnayen jyada tar apne
aap nahi hoti, wo wahan ki atma dwara karwayi
jaati hai. Isliye esi jagaho par hamesha
saavdhani baratni chahiye. Khair ab me kahani par ata hu.
Baat December ke time ki hai mere chacha ji ki naukri araam se chal rahi thi. Roz ka waise
hi ana jana lagaa hua tha. Wo apni
naukri or wahan ke shift ke anusar us
samay ke aadi ho chuke the. 10 December
ko mere chacha ji bete ka Janamdin tha.
Isliye
hum sabne pure Jashn ki taiyari kar rakkhi
thi. Chacha ji se humne us din chhutti lene ko kaha kyuki agar wo 11 baje aate to party me kafi
der ho jaati. Chacha ji ko us din factory me koi jaruri
kaam tha isliye unhone chhutti karne se
to mana kar diya lekin jaldi aane k liye
raazi ho gaye unhone 8 baje se pehle
aane ki baat kahi. Apne kahe ke anusar chacha
ji ne shaam 7 baje se hi chhutti le li or ghar
ki taraf chal pade. Us din Jhakarkatti pul par bahut jyada jaam laga hua tha itna ke chacha ji ko
wahan khade khade 45 minut beet gaye.
Jab chacha ji ko laga ke wo jyada late
ho jayenge ko unhone pul ke niche un
bastiyo ke bich wale raste se railway track
ko paar karke jaane ki thaan li or wapas mud gaye. Raat ke yahi koi 8 bajne wale the basti ki
galiyo me sannata sa tha kafi kafi dur
par bas kuch log dikhte jo aag ke ird
gird baith kar haath taap rahe the. Chacha
ji un galiyo se guzarte huye railway track
par pahuche. Unhone paar karne se pehle signal ki taraf dekha, un signals mese ek haraa tha
matlab koi train ane waali thi. Chacha
ji ne us train ke guzar jaane ke baad hi
track ko paar karne ka faisla liya.
Track par kafi dur chacha ji ko ane wali train
ke engine ki roshni dikhayi de rahi thi.
Chacha ji uske guzarne ke intzaar me idhar udhar dekhne lage. Thand us waqt bahut jyada to
nahi thi magar dhundh ka asar tha. Thodi
der idhar udhar dekhne ke baad chacha ji
ko track ke dusri taraf apni hi seedh me
kuch log baithe dikhayi diye. Chacha ji
ne socha honge yahan ke garib log ya fir
nashedi jo aag jala kar baithe honge. Chacha ji unpar jyada dhyan dene lage magar roshni kam hone ke kaaran unhe achi tarah kuch samajh
nahi aa raha tha.
Unhe fir wo sab log
thode ajeeb lage kyuki unke bich koi aag
nahi jal rahi thi. Train tab tak har
ghadi or bhi jyada karib aati jaa rahi thi, or train ki badhti roshni me chacha ji un logo ko samjhne ki koshish kar rahe the. Jab train kafi karib aayi to chacha ji ne
dekha ki wo log ek ghera bana kar baithe
kuch khaa rahe the. Unhone samjha ka
railway ke majdur hain aaj shayad night
duty me yahin khana kha rahe hain.
Train
jab unke saamne se bilkul guzarne wali thi to
roshni me chacha ji ne dekha ke wo log yahi koi 5 ya 6 log the. Thode gande se kapde pehne huye bahut jaldi jaldi khane me lage huye the or
apna hath chaat chaat kar saaf karte fir
khaate. Unme se ek ne tabhi mud kar
chacha ji ki taraf dekha. Tabhi us
drashya or chacha ji ke bich wo train thodi dhimi raftar se guzarne lagi. Koi chhoti passenger
train thi use guzarne me karib 20
seconds ka samay laga.
Jese hi train
guzri chacha ji ne unki taraf dekha to dang
reh gaye ab wahan koi nahi tha. Ye dekh kar
chacha ji ne apne man ko ye soch kar manaa liya ke wo log shayad nashe baaz honge jo kisi ko
ataa dekh kar bhaag gaye. Chacha ji ne dono taraf signal ki jaanch ki
or apni naak ki sidh me bad gaye. Cycle
uthate huye andhere me wo tracks paar
karne lage. Jab wo saare tracks paar
karke akhri track par pahuche to unke
pair me kuch laga or wo ladkhada kar girte
girte bache. Ye wahi jagah thi jahan unhone un logo ko dekha tha.
Khud ko sambhalte huye unhone apne chhote se thaile se torch nikali jo wo
factory jate samay hamesha sath rakhte
the. Jab unhone torch jala kar dekha to
unke paanv ke niche se jaamin sarak gayi
or wo wahin kuch der jame reh gaye.
Wahan ek aadmi ki laash padi thi jo train ki
chapet me aakar kat gaya tha. Jiska kamar se niche ka hissa track ke bich tha or kamar se upar
ka hissa track ke bahar. Thodi der to
unhone ye nazara dekha or fir khud ko
samhaalte huye man me ye socha ke
"Abto ye mar hi gaya hai mare huye se
kya darna." Itna sochte huye wo cycle par sawar hokar apne raaste chal diye.
Raaste me unhe bar bar us aadmi ki laash yaad
aa rahi thi. Achanak unhe fir un logo ko
khayal aya jinko chacha ji khane khaate
huye dekha tha. Unki samajh me aa gaya
ki wo log insaan nahi the wo pret the,
jo us laash ko kha rahe the. Itna soch kar
unke thand me bhi pasine chhutne lage fir unhe khayal aya ke laash or kahin se bhi nochi
huyi ya kati huyi nahi thi to wo kha
kese rahe the. Fir unhone socha ke wo
saare pret unhe darana chahte the. Is
khayal ko sach maan kar chacha ji un preto
ko gaali dete huye ghar chale aaye.
Chacha ji ki ye dhaarna thi ke agar dar laage to us daraane wale ko gaali dene se dar dur ho jata
hai or haath me aag hoto kabhi bhoot
pret paas nahi aate.
Chacha ji ko nahi
pata tha ke unki ye dono dhaarnayen ab
galat hone wali thi. 15 minut me Ghar
pahuch kar chacha ji ne hum sabke sath
bete ka janamdin manaya. or us baat ko kisi
ko bhi na batane ka faisla lete huye bhulaane ki koshish karne lage. Unhe na koi pareshani
huyi or naa hi koi sapne me dikhayi
diya. Ab chacha ji is baat ko kabhi
sochne bhi pasand nahi karte the. Karib
ek hafte baad Chacha ji ko apne kisi dost ki
shadi me jana tha to us din chacha ji ne pul ki taraf bina dekhe hi shortcut se jaane ka man bana
liya tha. Pichhli ghatna ki tasvir dimag
me jarur thi magar us ghatna se unhe koi
fark nahi pada tha isliye unhe esa karne
ki himmat aayi. Ye soch kar chacha ji us
raste dubara chal pade ke roz roz esa thodi
na hota hai kabhi kabhar koi kat jata hoga.
Is baar chacha ji jab track ke paas pahuche to unhone do signal green dekhe matlab tha ke
railway station ki taraf se do train
jaane wali thi. Or wo wahin khade hokar
train ka intezaar karne lage. Or apne
dar ko chhupane ke liye or apni dhaarna ko
prabal karne liye ek cigrate jala li. Ab wo thode nishchint the unke hath me aag thi ab unhe
koi pret chhu nahi sakta tha. Koi 30 seconds hi beete honge ke unke paas
aadmi aya jisne kambal odha hua tha,
chandni raat thi isliye chacha ji ko
kafi kuch dikhayi de raha tha.
Us aadmi
ke sath ek bacha tha jisko usne god me uthaya
hua tha. Us aadmi ne is tarah se kambal odha
hua tha ke kambal uske or bachche dono ke
sar ke upar se aya hua tha. Kambal ke andar chehra hone ki wajah se chacha ji ne unki shakal
nahi dekhi. Us aadmi ne karib aakar chacha ji se pucha
"Naye ho babu ji?" "nahi, me to bachpan se yahin kanpur me
rehta hu magar aj dusri bar yahan se
patriyan paar kar raha hu." chacha
ji ne jawab diya. "Kuch dikhayi
vikhayi to nahi diya apko? log aakar aksar
dar jaate hain." usne kaha.
chacha
ji thode se achambhit huye or socha ke ye
yahin ka rehna wala hai iske liye ye koi nayi baat nahi hogi. "Dekha tha chacha, pichhli
baar kayi preto ko dekha tha ek laash ko
khaate huye." chacha ji jawab diya. "Laash nahi khaate kewal khoon chaat te
hain wo. Magar dare nahi tum, bahut
bahadur ho dubara chale aaye." usne
kaha. Chacha ji ko shock lag gaya tha
uski baat sunkar fir chacha ji khud ko
bahadur samajhte huye kaha "Are chacha
darna kesa. Ho sakta hai hum bhi kabhi mar
kar unke jese ban jaaye."
"haan
ye baat to sahi keh rahe ho, magar gaali naa
dete to acha tha. Maafi maang kar yahan se paar karna." usne samjhaate huye kaha. "Apko kese pata ke mene unhe gaali di?"
Chacha ji ne thoda darte huye kaha. "Are me wahin leta tha patri paar, or
tum gaali dete huye jaa rahe the. Aksar
gaali dene wale mar jaate hain isliye
samjha raha hu." usne chacha ji se kaha.
Ye sun kar chacha ji sann ho gaye.
"Jo koi bhi ho yahan me apni galati mante huye apse maafi chahta hu apko kabhi gaali nahi
dunga.
Bas chacha ab thik hai na?"
Chacha ji ne dar kar maafi mangi or fir
us aadmi se kaha. "haan ab thik hai
bahut akalmand ho. Jao paar kar jao
train aane me der hai." usne thoda has kar
kaha. Chacha ji ne signal ke
taraf dekha to saare laal the. Chacha ji
ko kafi achambha hua magar baat ko khatm
karte huye chacha ji ne apni cigrette bujhayi
or paar karne ke liye apni cycle pakdi.
"Ek cigrette to pila do yaar, aag paas rahegi to koi bhoot mere paas nahi ayega." us aadmi ne
has ke kaha. "haan ye to hai isliye chalo me bhi ek
or cigrette jala leta hu."
Chacha
ji ne sehmati jatate huye has kar kaha
or do cigrette nikalkar ek muh me dabayi
or ek us admi ko di. Fir machis
nikaal kar jalane lage. Chacha ji ke man
me ab thoda dar baith chuka tha. Chacha ji ne jese hi machis jalayi to nazar niche hi thi unhone
dekha ki jo bacha us aadmi ki god me tha
us ki taange itni lambi thi ke puri
kamar ko jhakde huye thi magar sharir
kisi 6 mahine ke bache jesa tha. Jese hi
chacha ji machis jala kar uski cigrette jalane ke liye uske chehre ki taraf badaya unhone dekha ki
us aadmi ke gale se khoon beh raha tha
jese ke gala kaat kar dubara joda gaya
ho chehra adha tha or adha kewal kankal
tha sirf haddi.
Adhi taraf ke chehre me
ankh futi huyi thi or khoon bahe jaa raha
tha. Itna bhayanak drashya dekh
kar chacha ji ke hath paanv kaanp uthe
or wo wahin behosh ho gaye. Subah jab
logo ne unhe uthaya to chacha ji ne sabko
sach sach bata diya. Kuch ne mana kuch ne
afwaah samajh kar bhula diya. Unme se ek bujurg vyakti kafi ache the wo chacha ji ko ghar bhi chhorne aye. or chacha ji ki baat ka vishwas
bhi mana. Hum sab raat bhar pareshan
huye jarur the magar ye soch kar ke
factory me koi kaam aa gaya hoga
nishchint hokar so gaye the. us waqt mobile
ka bhi khas chalan nahi tha.
Is
ghatna ke baad aag se bhooto ko daraane wali or
gaaliyon se dar door karne waali dhaarna ka ant ho gaya. Magar chacha ji ko na us pret ne tang
kiya kyoki wo maafi mang chuke the or na
hi sapne me dikhayi diya. Thoda bukhar
aa gaya tha dar wajah se or kuch nahi
hua tha. Us ke baad se chacha ji ne
durghatna se dair bhali ka marg apnaya or fir
dubara kabhi shortcut nahi liya.
0 Comments